Brihaspathyam

சங்கத்தமிழ்_காட்டும்_சனாதனதர்மம்-4 இந்துமதம் தமிழருடையதல்ல என்ற போலி வாதத்தை உடைக்கவே அடியேன் இத்தொடரே எழுதிவருகிறேன். இந்துமதத்தை அந்நியப்படுத்த நினைத்த சிலர் அம்முயற்சி தோற்றதால் எடுத்திருக்கும் புது அஸ்திரம் தான் சைவம் மட்டுமே தமிழர்சமயம் என்ற கருத்தாகும். இது உண்மையல்ல வைணவம், சைவம் மற்றும் பல்வேறு வேத கடவுளரையும் சங்கத்தமிழர் வணங்கி வந்தனர். ஆக, சங்கத்தமிழன் இந்துவே. இதோ போன்ற குழப்பவாதிகளுக்காகவே தான் நம் முப்பாட்டன் முன்னரே பதிலடி கொடுத்துள்ளானோ..? இதோ.. பாரதம் பாடிய என்ற சிறப்பையும் பெயரோடு பெற்றிருக்கின்ற புலவர் பெருந்தேவனார். மா நிலம் சேவடி ஆக, தூ நீர் வளை நரல் பௌவம் உடுக்கை ஆக, விசும்பு மெய் ஆக, திசை கை ஆக பசுங்கதிர் மதியமொடு சுடர் கண் ஆக இயன்ற எல்லாம் பயின்று அகத்து அடக்கிய வேத முதல்வன், என்ப தீது அற விளங்கிய திகிரியோனே என நற்றிணைக்குக் கடவுள் வாழ்த்துப்பாடி, திருமாலை முழுமுதற் கடவுளாகக் காட்டுகின்றார். திருமால், ஐம்பெரும் பூதம், மதியம், சூரியன், திசை, இப்படி எல்லாம் அவன், அவனே உலகத்து உயிர், உயிர்கள் அனுபவிக்கும் பொருள், வேதத்தின் பொருள் எனவே அவனை வணங்...

சங்கத்தமிழ்_காட்டும்_சனாதனதர்மம்-3 இந்து புராணங்கள் என்பவை ஆரியர்களால் எழுதப்பட்ட கட்டுக்கதை என ஆங்கிலேயர்கள் உளறிச் செல்ல, அதையே உண்மையென நம்மவர்களும் நம்பிவிட்டனர். ஆனால் நம் தமிழ் முன்னோர் இயற்றிய சங்க இலக்கியங்களில் புராணச் செய்திகள் ஏராளமாக உள்ளன, இதன்மூலம் புராணங்கள் நமக்கு அந்நியமானவை என்ற சிந்தனை உடைக்கப்படுகிறது. இதோ ஆதாரம்- சிவபெருமானுடைய புராணச் செய்திகளும் எட்டுத்தொகை நூல்களில் இடம் பெற்றுள்ளன. வானிடத்தில் பறந்து திரியும் இயல்புடைய பொன், வெள்ளி, இரும்பு மதில்களைக் கொண்ட நகரங்கள் மூன்றில் வாழ்ந்த அரக்கர்களைச் சிவபெருமான் தன் சிரிப்பினால் எரித்தான் என்பது புராண வரலாறு ஆகும். இச்செய்தி பரிபாடலில     மூவகை ஆரெயில் ஓர்அழல் அம்பின் முளிய    மாதிரம் அழல எய்து              - (பரி.5, 25-27) இதில் மிக முக்கியமானது அசுரருக்கு வரம் தரும் சிவபெருமானே அசுரரை அழித்த செய்தியாகும். இதன்மூலம்  அசுரர் என்பது  தமிழரைக் குறிப்பிடுவது என்ற விஷப் பிரச்சாரமும் முறியடிக்கப்படுகிறது.அப்படி இருந்தால் தமிழர்கள் வதைக்க...

சங்கத்தமிழ்_காட்டும்_சனாதனதர்மம்-2 பரிபாடல் எனும் எட்டுத் தொகை நூல் எல்லாப் பொருளும், பொருளின் தன்மையும் திருமால் என்பதை, தீயினுள் தெறல் நீ; பூவினுள் நாற்றம் நீ கல்லினுள் மணியும் நீ ; சொல்லினுள் வாய்மை நீ; அறத்தினுள் அன்பு நீ; மறத்தினுள் மைந்து நீ; வேதத்து மறை நீ; பூதத்து முதலும் நீ; வெஞ்சுடர் ஒளியும் நீ; திங்களுள் அளியும் நீ; அனைத்தும் நீ; அனைத்தின் உட்பொருளும் நீ (பரி. 3:63-68) எனப் போற்றுகின்றார் புலவர் கடுவன் இளவெயினனார். (தெறல் = வெம்மை, நாற்றம் = மணம், மணி = நீலமணி, மறம் = வீரம், வாய்மை = உண்மை,மைந்து = வலிமை, பூதம் = நிலம், ஆகாயம், காற்று, தீ, நீர் ஆகிய ஐம்பூதங்கள், வெஞ்சுடர் = சூரியன், திங்கள் = நிலவு, அளி - குளிர்ச்சி). தமிழ் தெய்வங்களை ஏற்கும் சிலர் தமிழ் தெய்வங்களை தம் முன்னோர், தலைவன் என்பதை அழுத்தமாகச் சொல்லி கடவுள் தன்மையைப் பின்னுக்குத் தள்ளுகின்றனர்.ஆனால் இப்பாடல் மூலம் கடவுள் தன்மைக்கு நம் முன்னோர் தந்த முக்கியத்துவம் புலப்படும். மேலும் வடவர் திருமாலை 'விஷ்ணு' என்பர் அதன் பொருள் எங்கும்_நிறைந்தவர் என்பதாகும். எங்கும் நிறைந்திருக்கும் திரு...

சங்கத்தமிழ்_காட்டும்_சனாதனதர்மம்-1 பரிபாடல் என்பது எட்டுத்தொகையைச் சார்ந்த சங்கத்தமிழ் நூலாகும். திருமாலுடைய திருவடி பிறவிப் பெருங்கடலைக் கடக்கத் துணை செய்வது: பிறப்பறுக்கும் திருவடி என்ற கருத்தை இப்பாடல் விளக்குகிறது. பாடல் மா அயோயே மா அயோயே! மறுபிறப்பு அறுக்கும் மாசுஇல் சேவடி மணிதிகழ் உருபின் மாஅயோயே! (பரிபாடல். 3:1-3) (மறு பிறப்பு அறுக்கும் = பிறவித்துன்பம் ஒழிக்கும், மாசுஇல் = தூய்மையான, மணி திகழ் உருபின் = நீல மணி போன்ற நிறம் உடையவன்)   மறுபிறப்பு என்பது இந்து மதத்திற்கு மட்டுமே உரிய நம்பிக்கை ஆகும். மறுபிறவியை அறுக்க திருமாலின் திருவடியே வழியாகும் என்று கூறப்பட்டுள்ளது.... சங்கத்தமிழரின் சமயம் சனாதனதர்மமே என்பதை ஆணித்தரமாக நிறுவுகிறது இப்பாடல்.