சங்கத்தமிழ் காட்டும் ஜோதிஷம்-16

-
சங்கத்தமிழ்_காட்டும்_சனாதனதர்மம்-16



வைகை வெள்ளத்திற்குக் ஜாதகம் கணித்த சங்கப்புலவன்.
ஜோதிட சாஸ்திரம் என்பது இந்துக்கள் வாழ்வியலில் இரண்டறக் கலந்ததாகும், இதன் அடிப்படையே வான சாஸ்திரம் ஆகும்.இரண்டாயிரம் வருடங்களுக்கு முன்பே தமிழர் கொண்டிருந்த வானவியல், ஜோதிட அறிவை பரிபாடலில் ஆசிரியர் நல்லந்துவனார் கூறுகிறார்.

விரிகதிர் மதியமொடு வியல்விசும்பு புணர்ப்ப
எரிசடை எழில்வேழம் தலையெனக் கீழிருந்து
தெருவிடைப் படுத்த மூன்று ஒன்பதிற்று இருக்கையுள்
உருகெழு வெள்ளிவந்து ஏற்றியல் சேர
வருடையைப் படிமகன் வாய்ப்பப் பொருள்தெரி
புந்தி மிதுனம் பொருந்தப் புலர்விடியல்
அங்கி உயர்நிற்ப அந்தணன் பங்குவின்
இல்லத் துணைக்குப் பால்எய்த இறையமன்
வில்லிற் கடைமகரம் ஏவப் பாம்பொல்லை
மதிய மறைய வருநாளில் வாய்ந்த
பொதியின் முனிவன் புரைவரைக் கீறி
மிதுனம் அடைய விரிகதிர் வேனில்
எதிர்வரவு மாரி இயைக என இவ்வாற்றால்
புரைகெழு சையம் பொழிமழை தாழ
நெரிதரூஉம் வையைப் புனல்…

வைகையில் புதுவெள்ள வருகைக்கு ஜாதகம் கணித்திருக்கிறார் ஆசிரியர் நல்லந்துவனார். ஆற்று வெள்ளம் பயனுடையதாக இருக்குமா வேறு விதமாக இருக்குமா என்று தெரிந்துகொள்ள.

இப்பாடல் மிகவும் ஆராய்ச்சிக்குரியது... என்றாலும் நமக்கெட்டிய தமிழ், ஜோதிட அறிவை வைத்துப் பார்க்கும் போது...

இப்பாடல் புதன், வெள்ளி, அந்தணன்- வியாழன், இறையமன்- யமனை இறைவனாக உடைய சனிக்கோள், பாம்பொல்லை- சர்ப்ப கிரகங்களான இராகு, கேது ஆகிய கிரகங்களைக் காட்டுவதன் மூலம் பண்டையத் தமிழர் கொண்டிருந்த வானவியல் அறிவைக் காட்டுகிறது.

மேலும் அக்கிரகங்கள் வைகையில் புதுவெள்ளம் வரும்போது நின்ற வீடுகளான இராசிகளை ....விடை- ரிஷபம், மிதுனம், வில்-தனுசு, மகரம் ஆகியவற்றைக் காட்டுகிறது இப்பாடல் இதன் மூலம் ஜோதிட சாஸ்திரம் தமிழரது கண்டுபிடிப்பே என்று அறியலாம்.

சனாதனதர்மத்தைக் கடைபிடித்த தமிழர் உலகின் பல்வேறு வானியல் கண்டுபிடிப்புகளைச் செய்ததைச் சங்க இலக்கியங்கள் வாயிலாக அறியலாம்.

Comments

Post a Comment

Popular posts from this blog

மாயோன்

-
Image
மாயோன் -1 Who is Mayon? Tamil god mayon மாயோன் என்பவர் யார்? மாயோன் முல்லை நிலத் திணை தெய்வம், மக்களைக் காக்கும் திருமாலாகிய பெருந்தெய்வம். தமிழரது முதல் தெய்வம். தமிழர் தெய்வம் மாயோன். மாயோன் என்பவர் தொல்காப்பியத்தில் முல்லை நிலத்தின் திணை தெய்வமாகக் குறிப்பிடப்படுகிறார். தமிழரின் முதல் தெய்வம் மாயோனே! தொல்காப்பியம் மாயோன் மேய காடு உறை உலகமும் சேயோன் மேய மை வரை உலகமும் வேந்தன் மேய தீம்புனல் உலகமும் வருணன் மேய பெருமணல் உலகமும் முல்லை குறிஞ்சி மருதம் நெய்தல் எனச் சொல்லிய முறையான் சொல்லவும்        படுமே தொல்காப்பியம் பொருள்.அகத் 5/1 பொருள் - மாயோன் காடுறை உலகமான முல்லை  நிலத் தெய்வம் , குறிஞ்சிக்கு சேயோனாகிய முருகன் தெய்வமாவார், மருத நிலத் தெய்வம் வேந்தன் அதாவது தேவர்களுக்கெல்லாம் வேந்தனான இந்திரன். நெய்தல் நில தெய்வம் வருணன் ஆவார். இவர்களே தமிழரது திணை தெய்வம் என்று சொல்லப்படுகிறது. ஆகவே தமிழரின் முதல் தெய்வம் மாயோனே! அதே தொல்காப்பியத்தில் மற்றொரு முறை மாயோன் குறிப்பிடப்படுகிறார். மாயோன் மேய மன்பெருஞ் சிறப்பின் தாவா விழுப்புகழ் பூவை நிலையும் தெல்
Read more

கழகம் தமிழ்ச் சொல்லா?

-
Image
 கழகம் தமிழ்ச் சொல்லா? சங்கம் என்பது வடமொழிச் சொல் என்பதால், அதைத் தவிர்க்கும் பொருட்ட அதே பொருளுடைய கழகம் என்ற சொல் பயன்படுத்தப்பட்டு வருகிறது. இச்சொல்லின் மூலம் ஆய்வுக்குறியது. இது பற்றி தமிழ் ஆய்வாளர் திரு. வையாபுரிப் பிள்ளை அவர்கள் கட்டுரை ஒன்றை எழுதியுள்ளார். இக்கட்டுரையை அவரது தொகுப்பு நூலான தமிழின் மறுமலர்ச்சி நூலில் படிக்க நேர்ந்தது.  பொதுவாக ழகரம் வந்தாலோ, அல்லது நீண்ட காலமாகத் தமிழில் படன்படுத்தப்பட்டு வந்தாலோ அதைத் தமிழ்ச் சொல் என்றே முடிவு கட்டி விடுகிறோம். ஆனால் அது சரியானதல்ல என்று சொல்வது போல் இக்கட்டுரை அமைந்துள்ளது.  கட்டுரை  // கழகம் இக்காலத்தே கல்வியோடு நெருங்கிய தொடர்புள்ளதாகக் கழகம் வழங்குகிறது. இச்சொல் திருக்குறளில், கவறுங் கழகமுங் கையுந் தருக்கி இவறியார் இல்லாகி யார். (935) என வந்துள்ளது. 'கழகமாக ஏகவின்பக் காமக் கவறாடல் இயைவதன்றே' எனச் சிந்தாமணியில் (1657) உள்ளது. ஓதுசாலையும் சூதாடு கழகமும், என்பது பெருங்கதை (II, 7,132). தவலில்தண் கழகத்துத்  தவிராது வட்டிப்பக்  கவறுற்ற வடுவேய்க்குங்  காமர்பூங் கடற்சேர்ப்ப, எனக் கலித்தொ கையில் (136) பயின்றுள்ளது.  இதுவே இச
Read more

சம்ஸ்கிருத பெயருடைய சங்கப் புலவர்கள்

-
Image
 சங்க இலக்கியங்களில் வடமொழி வேதங்களைப் போற்றும் பாடல்கள் உள்ளன, இதிகாச, புராண நிகழ்ச்சிகள் குறிப்பிடப்படுகின்றன. அத்தோடு சில சங்கப் புலவர்களின் பெயர் வடமொழியில் அமைந்துள்ளன. அவற்றுள் சில ரிஷி கோத்திரங்கள். கீழ்க்காணும் பெயர்களில் ஒருபகுதி உறுதியாக வடமொழி என்று கூறலாம்.  ஆரியன் பெருங்கண்ணன் ஆரிய அரசன் யாழ்பிரமதத்தன் ஆவூர் காவிதிகள் சகாதேவனார் இரணியமுட்டத்து பெருங்குன்றூர்ப் பெருங்கௌசிகனார் உக்கிரப் பெருவழுதி உருத்திரனார் உலோச்சனார் உறையூர்ச் சல்லியங் குமரனார் உறையூர் மருத்துவன் தாமோதரனார் ஓதஞானி ஓரிற்பிச்சையார் கடம்பனூர்ச் சாண்டில்யன் கடியலூர் உருத்திரங்கண்ணனார் கோவர்த்தனர் சத்திநாதனார் சல்லியங்குமரனார் செல்லூர்க்கோசிகன் கண்ணனார் சோழன் நல்லுருத்திரன் தங்கால் ஆத்திரேயன் செங்கண்ணனார் தாமோதரனார் தேவகுலத்தார் தேவனார் நல்லச்சுதனார் நல்லுருத்திரனார் நெய்தற் கார்க்கியார் பதுமனார் கணக்காயன் தத்தனார் கருவூர் பவுத்திரனார் கள்ளில் ஆத்திரையனார் காசிபன் கீரன் கேசவனார் பரூஉமோவாய்ப் பதுமனார் பாண்டரங்கண்ணனார் பாரதம் பாடிய பெருந்தேவனார் பாலைக் கௌதமனார் பிரமசாரி பிரமனார் பெருங்கௌசிகனார் பெருந்தேவனார் பெர
Read more